Heurey Sunda

"Mabok di tengah Jalan"
Hiji pemuda keur naek motor bari ngebut sataker kebek. Keur kitu, motorna ujug-ujug direm ngadadak bisi nabrak hiji pemuda nu keur mabok di tengah jalan.

"Dasar tolol! Mun mabok ulah di jalan atuh....!" ceuk nu tadi ngebut kesel jeung keuheul.
"Maneh nu tolol mah," bales nu mabok. "Sakitu ngebut, nabrak teu keuna..."

I’m Sorry

Hiji waktu Bah Oding jalan-jalan ka Bali. Manehna hayang nyoba ngobrol jeung bule. Bah Oding terus neangan akal pikeun bisa ngobrol jeung bule nu pagaliwota di basisir Kuta. Nya manehna siga nu teu ngahaja (padahal dihaja) ngabadug hiji turis bule nu keur merhatikeun suvenir.
Bah Oding : “I’m sorry, Sir!”
Turis : “I’m sorry too”, (Si Bule ngarasa salah oge geus ngahalangan jajalaneun)
Bah Oding alagap euleugeup ngadenge si Bule ngajawab. Sabab manehna mah ngan saukur hayang mraktekkeun kalimah I’m sorry wungkul, teu niat leuwih. Atuh Bah Oding bari arapap eureupeup ngajawab.
Bah Oding : “Oh… hampura, I’m sorry three…, Sir!”
Turis : “Sorry what for?”
Bah Oding : “I’m sorry five……, Sir!”
Turis : “Are you sick?”

Bah Oding : “No… no…. I’m sorry seven!”.***

GEHGERAN

Mang Nunu katelah jalma nu gehgeran kabina-bina. Basa keur mangku budak di buruan, nempo tatanggana miceun runtah, gancang manehna miceun budak nu keur dipangkuna. Kungsi oge manehna ka pasar tepi ka sapuluh balikan alatan unggal manehna nepi ka pasar panggih jeung tatanggana nu mulang ti pasar,atuh gancang manehna ge milu balik deui.
Sakali mangsa, basa pamajikanana rek ngalahirkeun anakna nu bungsu, manehna kawiwirangan. basa pamajikanana keur ngaheujueun, manehna milu adug lajer ngaheujeun di juru ruangan. Waktu si utun geus kaluar, pamajikanana ngomong ka bidan,”Ibuu,si utunna tos kaluar!!”. Na ari celengkeung teh mang Nunu bari semu peura,”Ibuu,nu abdi oge tos kaluar!!” cenah. Bidan ngajawab bari semu nu ambek sabab katempo aya nu namburu di juru, “Sodok we ku bapa!!”.
Sigana mah pas milu ngaheujeun mang Nunu teu kaampeuh,teu kuateun nahan nu rek kaluar.





Si Adot nyampeurkeun ka indung na nu keur mesekan jengkol, tuluy sila hareupeun indung na.

Adot : ma ! eta naon ???
Ema : jengkol
Adot : Bau teu ma?
Ema : Ngarana ge jengkol pasti bau
Adot : Geuning jiga beulah dua ma?
Ema : Kabeh jengkol ge beulah dua
Adot : Geuning nu kolot mah aya nu nololan???
Ema : Eta teh pijadieun toge
Adot : Naha bet buluan?
Ema : Har ! Ari sia naha no'ong momok ema ! (langsung emok bari nakol si Adot)